早排講《警訊》，搵到唔少得意嘅故事，今日一於同大家繼續分享。話說《警訊》好受歡迎嘅內容係案情重演，其中九十年代嘅拍攝非常與眾不同，因為嗰次遇到真正劫案，變成「現場直擊」。

《警訊》節目編導提過，九十年代去鴨脷洲拍節目期間，突然有路人大嗌「搶嘢！」當時拍緊節目嘅女督察方安妮二話不說，除低對高踭鞋喪追，最後成功拉咗個賊，將罪犯繩之於法。

唔講唔知，原來方安妮係飲食節目主持方太嘅囡囡。拍節目還拍節目，畢竟警察嘅職責係捉賊，遇到罪案梗係第一時間挺身而出，Madam果然夠盡責！Madam唔單止追賊叻，對付黃色事業亦絕不手軟，報道話佢曾經喺11個鐘頭內拉咗200個流鶯，被外界稱為「殺雞女督察」同「架步女煞星」。後嚟佢提早退休，於2014年任職地產代理監管局執行總監。

原圖嚟自網絡截圖。