尋日提到作家魯迅嘅事跡，其實佢嘅作品影響力深遠，連諾貝爾文學獎都諗過提名佢，不過個結局居然係被魯迅請食檸檬？

1927年，當時喺北京大學任教嘅諾貝爾獎金評委之一斯文·赫定，一早已經聽講過魯迅嘅名字，佢想為中國作家喺文學獎入面爭取一個名額，於是請同係北大教授嘅劉半農幫手，提名魯迅作為諾貝爾文學獎嘅候選人。當其時亦有人積極為史學家梁啟超可以入圍諾貝爾文學獎候選而努力，劉半農就認為魯迅先係理想嘅候選人，但係佢又驚被魯迅請食檸檬，於是委託咗魯迅嘅學生台靜農先寫信問問魯迅嘅意見，如果魯迅同意，佢就即刻著手準備參加評選嘅工作，例如將魯迅嘅作品翻譯成英文，準備推薦材料之類等。

點知魯迅收到台靜農嘅信之後，即日就回信，一口拒絕劉半農嘅提議。魯迅喺信入面先多謝劉半農為佢、為中國出力嘅好意，跟住話「梁啟超自然不配，我也不配」入圍諾貝爾文學獎，最後仲話世界上比佢好嘅作家有好多，要拎諾貝爾仲欠努力。

原圖嚟自網絡。