史友有無聽過「和記棧」呢個地方?大家聽到呢個名會聯想到啲咩?和記黃埔?和記電訊?大棧?美味棧?其實依個地方位於現今中環,一百多年前係同生果兼革命有關嘅。

和記棧舊址位於德己立街20號,1900年代革命黨人喺香港富商李紀堂資助之下,以三樓作為革命基地,並且開生果鋪掩人耳目(另有講法話係幫船員搵工嘅行船館)。响革命黨人謝纘泰統籌之下,佢哋策劃1903年廣州起義,不過因為當時香港警方收到情報,加上有人洩密,最終令起義胎死腹中。從此謝纘泰退出革命嘅前綫工作,改為創立《南華早報》,宣揚革命思想。依家嘅和記棧係孫中山史蹟徑一部份,不過已經唔係賣生果,變成現代化商店。

原圖為和記棧地下擺賣生果舊照,取自網絡。