電視劇《福爾摩師奶》以舊日香港做背景,戲入面因為油麻地供電與否嘅問題,扯出一連串治安同政治風波。歷史上,油麻地以至九龍區嘅公共系統照明,就要講返一間機構嘅歷史——中華電力公司。

其實中電响1901年成立,至今差唔多成120歲。公司啱啱成立時,主要用三台小型發電機,為廣州約二百位客戶供電。兩年之後,中電將香港業務重心放到香港,响紅磡漆咸道興建第一座發電廠,為當時人口最稠密地區——油麻地區,以及青州英坭、廣九鐵路、黃埔船塢、酒店等商業客戶服務。當時發電廠嘅發電容量為75千瓦,逐步為九龍區公共照明系統供電。

去到1920年代,政府想收返發電廠塊地建造九廣鐵路——英段,於是用紅磡鶴園嘅地段交換,所以發電廠就搬咗過去。而油麻地、靠背石同深水埗等地方响1924到1925年先後興建配電站,令電力系統日益完善,等大家夜晚都感受到光明同溫暖。

原圖嚟自網絡。