南京大屠殺之中，大批中國人被日軍殘殺，而大屠殺嘅主謀之一，居然可以逃避責任，安度晚年？依個滿手鮮血嘅兇手係日本皇族成員、時任天皇裕仁嘅皇叔——朝香宮鳩彥。

朝香宮鳩彥喺1937年12月被任命為日軍嘅上海派遣軍司令，接替患有肺病嘅甲級戰犯松井石根，出任攻佔南京臨時總指揮官。喺攻陷南京前，朝香宮鳩彥聽取攻城部隊匯報之後，下達機密命令：殺掉全部俘虜。佢嘅命令猶如火上加油，日軍攻陷南京後展開慘無人道嘅大屠殺，連續6星期不斷殺戮，造成超過30萬人死亡。

不過，由於朝香宮鳩彥有皇室身份，而喺日本投降之後，裕仁同駐日盟軍總司令麥克阿瑟會面，對方承諾唔對天皇以及全體皇室成員追究追責，令朝香宮鳩彥逍遙法外。1947年日本進行民主化改造，包括朝香宮鳩彥在內嘅部份成員被撤銷皇籍，但佢仍然同裕仁保持密切關係，一齊打高爾夫球、參加皇族會議，最終喺1981年4月離世，終年93歲。

原圖取自網絡。