阿史平時都會睇吓波，不過啲週中比賽第二朝要返工就無計啦，以前阿史就會第二日睇新聞，睇返啲精華片段。最記得就係以前無綫新聞資深體育主播伍晃榮嘅旁述，可以令觀眾睇得好投入，甚至明明睇咗場波都忍唔住再睇伍晃榮講多次。

「波係圓嘅」、「守門員最好嘅朋友係條門柱」、「有乜野好過入一球？咪就係入兩球囉」等等金句仍然為人津津樂道，至今有唔少足球評述員仲會引用佢嘅金句。伍晃榮喺2008年4月17日病逝，終年67歲，阿史仲記得當年睇新聞報道佢嘅死訊時，覺得非常突然，令唔少球迷大感惋惜。

原圖取自網絡。