上星期提到馮淬帆同《五福星》系列,其實依個系列仲引申出另一個八十年代經典——以女子特警隊做題材嘅《霸王花》系列。《霸王花》打破當時動作片以男性做主導嘅慣例,題材較為新鮮,由惠英紅、吳君如、柏安妮、胡慧中、馮淬帆、董驃、成奎安等演出,配合埋對打、槍戰、爆炸等大場面,絕對唔嘢小。

第一套《霸王花》電影响1988年上畫,除咗一班明星之外,仲有美國嘅羅芙洛飾演女教官,戲裡戲外都好打得。雖然套戲係動作片,但有吳君如同樓南光等肩負搞笑重任,好似猜拳鬥摑咁,不過講到最深刻一幕,肯定係訓練時吳君如等三個「霸王花」被點名,要响淋滿汽油兼點埋火嘅海綿路上拔足狂奔。觀眾睇到可能覺得好笑,不過當年無咁多特效,係實拍,濃煙滾滾火燒後欄,再望埋片尾花絮,就知道做演員一啲都唔易。

劇照嚟自網絡。