故宮可能唔少史友去過，不過故宮閱兵又見過未？第一次世界大戰主戰場雖然响歐洲嗰邊，但中國以協約國身份參與，最終成為第一次世界大戰嘅戰勝國。喺1918年11月28日，北洋政府召開大會慶祝，喺故宮太和殿前舉行盛大中外軍隊閱兵式，受閱部隊由中、美、英、法、比利時、日本、印度、安南等八國軍隊組成，大總統徐世昌以及多國外交代表出席儀式。