上星期有位前輩提到回歸前嘅香港軍事同財政歷史，今日就同大家分享少少。香港早年嘅財政並非獨立，有時啲重大財政政策同預算案都要等英國方面批准，早期港英政府嘅財政支出包括起路、起水塘、填海等公共工程；公務員出糧等行政管理等方面。至於駐港英軍嘅軍費，初初由英國支付，不過去到1865年起，香港每年要交兩萬英鎊，之後1890年開始倍增到四萬鎊，去到1895年就係交年收入嘅17.5%，擔子一啲都唔輕。望返英國管治時期，香港軍費最辣嘅一年，足足畀咗成17億港元。

去到1996年，港英政府負責嘅駐港英軍軍費達到65%。而回歸之後，香港係唔需要負擔軍費嘅，點解？因為《基本法》第106條寫明「香港特別行政區保持財政獨立」、「不上繳中央人民政府」、「中央人民政府不在香港特別行政區徵稅」等等，另外第14條亦提到「駐軍費用由中央人民政府負擔」，所以香港從此唔駛畀軍費。

圖片為駐港英軍，取自網絡。