清朝末代皇帝溥儀一生坎坷，連嫁俾佢嘅后妃都無好日子過，先係末代皇后婉容染上鴉片毒癮，同日本人私通，又得唔到溥儀嘅關心，被逼到精神失常，最後被當成罪犯，死於獄中。至於淑妃文繡，下場都唔好得去邊，嫁咗俾溥儀咁多年，同溥儀無夫妻生活之餘，仲要周不時被婉容虐待、謾駡，過得不知幾委屈。忍無可忍嘅文繡於是搵律師同溥儀搞離婚，呢單案「皇帝離婚案」對當時嘅社會嚟講簡直驚世駭俗，又被稱為「刀妃革命」。

文繡當時寫咗封信，內容係要求溥儀「每月若干日前往一次，實行同居」，如果唔係就要離婚，不過件事已經有唔少人知，加上婉容推波助瀾之下，溥儀唯有應承。雖然溥儀無實權，但話晒係清朝皇帝，總係要面嘅，為咗維護大清皇室嘅聲譽，溥儀專情登報撤去文繡嘅封號，將佢廢為庶人。文繡離婚之後，曾經隱姓埋名去啲中小學度教書，但好快就被認出嚟，唯有無奈辭職。後嚟文繡有返頭嫁，不過都過唔到幾耐安樂日子，40歲就過咗身。

圖為溥儀同文繡，原圖嚟自網絡。