睇電視劇、睇戲嗰陣，成日見到啲警察喺差館入面拜關帝，話說警察拜關帝呢個傳統，原來係始於1931年嘅。當年有位駐守油麻地警署偵緝部嘅「咩喳」（依家嘅警署警長職位）黎兆，响偵緝部嘅「大房」供奉關帝神位，話會好似關帝一樣咁忠於職守，祈求得到庇佑、順利破案，同埋維持治安嘅時候好似關帝咁勇武。

慢慢其他警署嘅偵輯部都仿傚呢個做法，喺「大房」供奉關帝。時至今日，部份警員即使有唔同宗教、背景，都會入鄉隨俗向關帝上香，慢慢關帝就成為警隊團結、撲滅罪行嘅象徵。話說2016年有間警署嘅部門主管唔信拜關帝嘅習俗，出招移走關公像，過程中搞到把關刀無咗，搞到唔少同事有怨言。其實過往都有警隊主管因為信仰唔同，要求移走關帝，不過响一輪反對聲下，最終都係撤回決定，令關公有得留低，繼續保佑佢哋。

圖片為60年代警員拜關帝、關帝像，取自網絡。