之前講過好幾隊特種部隊，今次挑出人類範疇，同大家望吓狗狗。大家有時响機場可能見過警犬執勤，其實香港警犬隊早喺1949年就已經成立，初時警犬隊買入四隻德國狼狗，負責喺新界邊境巡邏。當時嘅警犬隊總部位於粉嶺芬園，即係而家嘅警察駕駛訓練中心。

後來，當局覺得呢個警犬巡邏計劃幾work，於是就決定擴充警犬隊嘅規模，間總部分別响1956年搬去八鄉警署、1964年搬去屏山警署，並且喺各警署加設犬舍，之後經過多次搬遷，2003年搬到去而家新界北區沙嶺嘅警犬總部，總部佔地2萬幾平方米，設有辦公大樓，亦有專為警犬而設嘅醫療手術室同模擬訓練場地，為領犬員同警犬提供先進訓練，警犬隊嘅規模亦由當初4隻警犬，增加至而家過百隻。

原圖取自網絡。