上次講起警隊拜關帝，但原來全香港唯獨有一間警署非常特別，零零舍舍唔拜關帝？講緊嘅就係黃大仙警署喇。話說喺1964年，當時區內治安麻麻，於是有警署高層諗到，喺警署入面整個黃大仙廳，為呢區祈福，喺上級同嗇色園首肯之後，就恭請咗黃大仙喺警署入面坐鎮，跟住區內嘅治安真係好轉咗，仲風調雨順添。

而家警署黃大仙廳裡面嘅黃大仙畫像，係出自1964年一位負責拼圖嘅警員之手，畫功相當唔錯，黃大仙廳至今每隔幾年都會舉行一次大型嘅黃大仙儀式，會有道士著住道袍奏樂誦經，跟住大家會分燒豬同白切雞咁，夠曬熱鬧。

圖片為黃大仙警署，取自網絡。