早幾日，老細突然話今日要返內地出trip，叫秘書妹妹準備吓跟佢一齊上去，點知秘書妹妹張回鄉證過晒期，搞到佢要嗱嗱林換證，又要準備返大陸嘅文件，不知幾騰雞。

所謂騰雞，即係形容人手忙腳亂或者好不安、驚青嘅狀態，就好似隻雞被人追砍果陣咁騰嚟騰去，唔知自己要去邊嘅樣咁。將雞慌亂時嘅情景嚟形容人不知所措，其實都幾貼切，不過，「騰雞」嘅正確讀音應該係「揗雞」（tan4gai1），同我哋平時讀開嘅「騰雞」（tang4gai1）讀音有少少差別，「騰雞」個「騰」嘅正字已經好難考查，因為「騰」字讀音相似，意思又貼切，所以就成為我哋平時寫開嘅「騰雞」喇。

原圖嚟自網絡。