道光年間，欽差大臣林則徐响虎門銷煙，成為中國近代史上嘅重要篇章，原來當時林則徐仲發過封信俾英國維多利亞女王，講明清廷通過咗《欽定嚴禁鴉片煙條例》，實行全面禁煙，呼籲英國國民放棄販運鴉片去中國。

信中提到，英國自己本身都禁食鴉片，但就將啲鴉片販運到中國，危害中國人，話呢啲行為簡直係「天理所不容，人情所共憤」，搞到皇帝震怒，仲話英國由中國入口嘅都係必需品，而中國向英國入口嘅都只不過係可有可無之物，就算要閉關絕市都唔難。話完人一輪，梗係要讚返兩吓補數，信入面話維多利亞女王心存仁厚，肯定知道己所不欲，勿施於人咁話，暗示維多利亞女王要識do。

呢封信响1840年1月由「擔麻士葛號」船主彎喇（Warner）帶去倫敦，話說最後結局係點？英國外交部拒絕收信，請咗林則徐食檸檬……

原圖取自網絡。