前排分享過康熙細嗰陣，4位輔政大臣鰲拜、索尼、遏必隆同蘇克薩哈嘅事跡。當中遏必隆死後，佢把腰刀居然仲有段故，話說喺乾隆十二年（1747年），即係遏必隆死後70幾年，佢個孫訥親時任保和殿大學士、吏部尚書等要職，訥親以經略大臣身份帶兵出征，點知打輸咗場仗，仲隱瞞自己慘敗嘅事實。結果梗係激嬲咗乾隆，於是乾隆搵大學士傅恒取代訥親嘅位置，又將遏必隆把刀賜予傅恒，命令傅恒用遏必隆把刀將訥親正法。

自此之後，呢把遏必隆刀就成為清朝嘅「尚方寶劍」。喺咸豐年間，太平天國運動爆發，咸豐亦先後將把刀賜俾欽差大臣賽尚阿、徐廣縉，以振作士氣、整肅軍紀，不過似乎幫唔到手，戰事仲連連失利……

圖片為遏必隆刀、《延禧攻略》傅恆劇照，取自網絡。