早兩日聽到一位媽媽級同事呻,話佢兩歲幾嘅囝囝越大越跩,近排仲開始打屋企人,佢真係無晒「符fit」。阿史真係好耐無聽過人講「符fit」,今次真係要拎出嚟同大家分享吓。

「符fit」寫做符拂(音忽),「符」即係符咒,「拂」係麈拂,呢兩樣嘢都係道士用嚟驅邪治鬼嘅法寶,如果無咗呢兩件法寶,咁道士基本上都做唔到乜嘢,簡直無法搵食。所以,無晒符拂即係解無晒辦法。而「fit」呢個音係「拂」嘅借字,取其動詞嘅音,所以先會讀成「fit人」、「fit烏蠅」等等。

圖為《一眉道人》劇照,原圖嚟自網絡。