一年一度嘅玩具節開鑼,秘書妹妹話要去行個轉,買少少嘢過細表弟,所以捉埋阿史去。入到長發現有好多新品同限量玩具,仲有「懷舊玩具墟」添,梗係要行過去睇睇!一去到嗰邊,好似走入咗時光隧道咁,見返好多熟悉玩具,叮噹(哆啦A夢)、牛奶妹、咸蛋超人、小露寶等等,童年回憶嘭嘭聲喺腦海湧現!

玩具墟除咗可以尋回細嗰回憶,仲喺尋寶嘅好地方,當場見到唔少模型車迷喺云云模型車海中揾心頭好,部分仲喺絕版貨。阿史聽到其中一位店主話,佢賣嘅呢款模型車喺當年錯版,當時廠家將Toyota嗰名印錯咗,正常要將批貨銷毀,不過佢哋就偷偷地收埋咗一啲,仲流咗小部份出市面畀收藏家,好似啲錯題版銀紙咁,有瑕疵反而仲珍貴!

除此之外,由於店主喺嗰模型車迷,仲整咗架平成同令和模型車紀念日本年號更改,呢嗰架車得一千零一架,只供觀賞,唔賣架!呢到仲有好多嘢,不過玩展節開三日,所以有興趣嘅史友喺呢二、三日要把握機會去喇!