大文豪魯迅寫過《狂人日記》、《孔乙己》等名作，又有邊個估到，佢都有傻傻地嘅一面？話說1920年代，一個叫許廣平嘅女學生入讀北京女子高等師範大學，成為魯迅學生，漸漸佢哋發展師生戀。陷入熱戀嘅魯迅有幾中意許廣平？或者可以從佢為咗棵樹而同隻豬決鬥講起。

1926年，魯迅去咗廈門大學，而許廣平去咗廣州，彼此約定各自奮鬥一排，之後再重聚。當時廈門大學附近有棵相思樹，有次魯迅獨自坐响樹下深思（文人排解寂寞嘅方法零舍唔同），點知無啦啦有隻唔識時務嘅豬走過嚟食樹葉。眼見象徵相思嘅樹木被隻豬咬嚟咬去，魯迅一怒之下就同隻衰豬展開決鬥。當時有個同事見到，笑問魯迅點解？魯迅仲懶神秘咁話：「老兄，唔方便話你知。」

經歷一輪異地情緣後，魯迅同許廣平終於起埋一齊，許廣平1929年仲為魯迅誕下麟兒，據講魯迅並無送花，而係送咗棵文竹過女方，文竹雖然無鮮花嘅艷麗奪目，但係就襟擺清雅。

原圖嚟自網絡。