清朝末代皇帝溥儀退位之後,辮帥張勳諗住復辟帝制,於是請溥儀復辟。當時溥儀身邊有人建議佢娶德國公主,以爭取德國支持復辟帝制,究竟中間有咩故仔?

話說張勳諗住復辟帝制,就去咗見溥儀,話一切都已經準備就緒。溥儀唔知頭唔知路,就喺幾位師傅嘅同意之下應承咗。嗰陣有個叫勞乃宣嘅前清大臣,聽咗德國傳教士衞禮賢嘅意見,就寫信俾溥儀,建議佢娶咗德皇威廉二世個女,一旦同德國皇室結親,咁德國就可以出面支持溥儀復位,復辟嘅把握就更大。不過,呢個建議被溥儀其中一位師傅陳寶琛極力反對,呢頭婚事亦都不了了之。當然,最後呢次復辟都只係維持咗12日就宣佈失敗。

圖為溥儀同佢兩位師傅合照,原圖嚟自網絡。