阿史前排去開銅鑼灣，走嗰陣就去咗糖街搭小巴，講到糖街嘅歷史，相信部分史友都知道條街名係同嗰度一間糖廠有關，當年間廠負責製造白糖，出口去英國同其他東南亞殖民地。不過糖街以前有另一個名，叫做「銀圓街」。點解？之唔係又同間廠有關。

事緣响1868年，政府喺依家糖街嘅位置開設造幣廠，於是就叫呢條街做「銀圓街」，不過造幣廠生意麻麻，所以同年就停辦。後來怡和洋行以6萬元收購造幣廠，改建為糖廠，之後條街就由「銀圓街」改稱為「糖街」，襯返曬~

圖為糖街小巴站，取自網絡。