有日阿史睇到單新聞，忍唔住講咗句「戇居」，附近嘅秘書妹妹好大反應咁話阿史講粗口，搞到阿史又要出post澄清呢個誤解。

話人蠢笨、戇直、傻都可以用「戇居」，唔少人以為呢個詞係一個粗口嘅諧音，但其實「戇居」本嚟係指「笨車」。「笨車」即係古代嗰啲無裝飾、好簡樸嘅車，或者直情係用牛拉嘅車。大家都知「車」有個讀音讀做「居」，所以「戇居」同「笨車」嘅意思相似，都解笨拙、樸素嘅車，只不過「戇居」同某個粗口讀音相似，真係會被人誤會。

關於戇居仲有啲好押韻嘅俗語，好似：戇居居，扮謙虛；戇居居，食煎堆。唔知你哋有無聽過呢？

原圖嚟自網絡。