歌神許冠傑嘅《摩登保鏢》有一句歌詞:「一枝公煲煙睇戲好他條」,入面個「他條」大家就講得多,但係點寫大家又知唔知呢?答案就係佗佻喇。

佗佻同「他條」嘅讀音一樣,佗佻以前係分開用嘅,例如《詩經•君子偕老》入面:「委委佗佗,如山如河。」自從《朱熹集傳》將「委委佗佗」解做雍容自得之貌後,「佗」就多咗雍容自得嘅意思。至於「佻」,大家都知輕佻點解,而《朱熹集傳》亦將「佻」解為輕薄不耐勞苦之貌。雖然唔知呢兩個字係由幾時開始夾埋嚟用,不過因為詞意相近,所以佗佻加埋就有悠然自得嘅意思。

圖為《武狀元蘇乞兒》劇照,原圖嚟自網絡。