前幾日電視台選港姐,見到歌手周柏豪做表演嘉賓兼表演幾秒「用鼻哥窿演戲」,算係成個節目比較特別嘅部分。阿史本身就無乜留意周柏豪啲歌,但就一直都覺得周柏豪同周恩來總理後生嗰陣好似樣,唔知大家點睇呢?

講少少周恩來嘅資料先,佢原藉浙江紹興,1898年3月5日生於江蘇淮安,1917年去過日本讀書,兩年後回國,响天津南開大學讀書,五四運動期間主編《天津學生聯合報》,並且領導天津嘅學生運動。1920年,當時22歲嘅周恩來去咗歐洲「勤工儉學」,了解當地經濟、政治同民生狀況等等,期間佢加入中國共產黨喺巴黎成立嘅共產主義小組。

其後喺周恩來同其他人推動之下,1922年成立咗中共旅歐支部,周恩來成為旅歐支部領導人。而另一位國家領導人鄧小平當年亦都係旅歐支部嘅其中一份子。周恩來喺1924年返國之後,逐步成為中國政壇嘅主要人物。

原圖取自網絡。