前排《Do姐有問題》講開Do姐鄭裕玲同發哥周潤發以前拍嗰套《網中人》入面嘅接吻戲錫咗好耐,時間仲長過另一套經典劇《男親女愛》添,今次不如就講吓呢套劇喇。

《網中人》係响40年前嘅10月首播,全劇80集。呢套劇當年好hit㗎,仲捧紅咗Do姐添。不過唔講唔知,原來呢套戲原本嘅女主角係曾經响香港小姐競選贏得「最上鏡小姐」嘅繆騫人,但當時繆騫人拍咗8集之後就辭演,搞到之後劇本要大執,Do姐因此成為劇中第一女主角,同發哥以及新加入嘅歐陽佩珊發生三角戀。順帶一提,廖偉雄經典角色「阿燦」就係來自呢套劇,阿燦就係周潤發飾演嘅程緯個細佬、由內地來港嘅程燦。

圖為劇照,取自網絡。