之前都講唔少晚清重臣李鴻章嘅事跡，今次就想講吓另一位重臣曾國藩嘅軼事。話說响道光二十八年（1848年），三十幾歲嘅曾國藩受命查國庫虧空案件，為咗查清真相，佢諗住入銀庫點算現銀，呢個時候啲政敵就喺度誹謗佢，老屈佢會偷偷落格，袋咗銀庫入面嘅銀両。點拆招？佢選擇剝清光自證清白，再入去點算，完成皇帝交託嘅任務。

當時曾國藩除咗自己嘅衫褲，光脫脫咁走入去銀庫點算現銀。根據銀庫賑目，應該有1900萬両白銀同392萬両黃金，經過點算之後，發現銀庫只係得1614萬両白銀同350両黃金，足足少咗幾百萬両，曾國藩隨即摘去司庫等兩個負責官員嘅烏紗帽。因為呢件事，曾國藩得到道光嘅信任，獲得升官機會兼扶搖直上，可以話係「脫出個未來」。

圖為曾國藩、道光畫像，取自網絡。