有個男同事閒時鐘意睇吓娛樂新聞，順便留意吓韓國女明星啲八卦咁。有日lunch time佢又喺度睇新聞，被經過嘅秘書妹妹望到，笑住話佢掛住睇囡囡（佢讀「leoi4音雷leoi1有音無字」）而唔記得食飯，呢位同事即刻一面正經咁糾正秘書妹妹：「no!我係睇緊『男男』。」搞到秘書妹妹嚇親兼成頭黑人問號，阿史唯有好心做吓解畫。

其實，我哋講開嘅「囡囡」泛指年紀比較細嘅女仔，所以好多人都將佢讀做「女女」。只不過，「囡」原本係吳語，指女童或者小朋友，喺長江、浙江、上海一帶雖然解做小女孩，但佢嘅普通話讀音實際上係「nan」嘅第一聲（近似「男」嘅普通話發音），而粵語正音更加係讀「男」。哇，係咪突然發覺自己一直都讀錯呢？

原圖嚟自網絡。