清末民初嘅「四大寇」孫中山、楊鶴齡、陳少白同尢列好出名,佢哋嘅事跡之前都同大家介紹過,之但係佢哋幾個係點識嘅呢?睇返歷史,原來孫中山同尢列相識嘅過程相當有趣,佢哋認識對方嘅契機,居然係同買荔枝勸交有關?

話說孫中山早年喺廣州讀書嘅時候,尢列亦都响廣州讀書。有一晚,孫中山和同學(後嚟嘅革命黨人)鄭士良喺街上見到有小販賣荔枝,鄭士良揀完一輪之後先發覺無帶錢,諗住叫個小販第二日去學校收錢。不過個小販唔肯,仲同鄭士良嘈起上嚟。孫中山勸極都勸佢哋唔掂,呢個時候尢列咁啱經過,就幫佢哋俾錢。孫中山見尢列幫咗佢哋,就請對方一齊返學校,一邊食生果一邊傾計。

之後孫中山開始同尢列熟絡起嚟,成日傾政治、傾時事。後來尢列喺廣州算學館讀書,同楊鶴齡成為同學,佢兩個就成日去搵孫中山傾計。其後孫中山去香港西醫書院讀書,尢列同楊鶴齡亦不時去香港同孫中山相聚。

圖為四大寇,取自網絡。