前排有議員就憂慮，持續幾個月嘅示威活動嚴重影響到香港飲食業嘅生計，仲同2003年沙士嗰陣比較。毫無疑問沙士嗰陣嘅市道的確係好差，經常都會傳出有酒樓突然結業、拖欠員工薪金嘅新聞，而當年嘅失業率更高達8.7%（2019年5-7月嘅失業率係2.9%），其中飲食及酒店業、批發及零售業、運輸業同娛樂及康樂服務業最為嚴重。當年新聞報道話，喺一個月之內就有25間酒樓執笠，導致1600名員工失業，需要動用破產保障基金支付部分員工欠薪，渡過難關。

除此之外，當年政府亦撥出35億元，設立由政府擔保嘅貸款計劃，為剛才提到嗰四個特別受影響行業提供支援，支付員工人工，遏止失業情況。

原圖取自網絡。