上個禮拜萬聖節，有好多人湧入蘭桂坊，警方夜晚7點幾就封閉蘭桂坊出入口，叫市民離開，警方之後解釋係避免90年代蘭桂坊人踩人慘劇，阿史今次就介紹吓當年到底發生咩事。

呢單慘劇發生响1992年12月31日除夕夜，當時有大約2萬人喺蘭桂坊聚集倒數，踏入1993年之後有唔少人情緒高漲，噴綵帶、啤酒，有外籍青年掟酒樽同磚，有人走避嘅時候跌倒、迫埋人群，令在場嘅人就好似骨牌咁倒下，再加上仍然不斷有人湧入蘭桂坊，人群互相踐踏，最終導致21人死、63人受傷，成為香港開埠以嚟最多人死亡嘅人踩人慘劇，而死傷者當中以青年人為主。

意外發生後，有人批評警方對大型活動缺乏部署，時任港督彭定康委任包致金調查事件，調查報告建議警方評估大型活動參與人數、實施人潮管制措施同改變場地入口等等措施，避免同類慘劇發生。

原圖取自網絡。