秘書妹妹成日都要著斗零踭返工，真係睇見都戥佢牙煙。講起斗零，宜家就用嚟形容細小嘅嘢，但其實斗零一開始係指已經喺1989年退役嘅港幣五仙。點解五仙又叫斗零？原嚟同佢嘅重量有關。

五仙硬幣之所以叫做「斗零」，同內地果菜欄嘅行內術語有關。內地街市嘅「一二三四五六」，會標示為「之辰斗馬蘇零」。舊時香港未有自己貨幣嗰陣，沿用返內地嘅白銀制度，價值五仙嘅白銀重三分六釐，簡稱「三六」，轉成相關術語就係「斗零」喇。

原圖嚟自網絡。