位於尖沙咀嘅香港文化中心响1989年11月8日開幕,至今已經足足30年喇。喺開幕當日,當時港英政府仲請嚟查理斯王子同戴安娜王妃主持揭幕儀式,佢哋當晚仲喺音樂廳欣賞英國巴赫合唱團演出添。

文化中心外形獨特,佢嘅設計理念原來係帆船上迎住風嘅帆,多年嚟已經成為尖沙咀海旁一個重要地標,係唔少遊客必去嘅景點之一。

香港文化中心由音樂廳、大劇院、劇場、展覽館等組成,當中大劇院就有超過1700個座位,配備先進舞台設施、換景系統,香港電影金像獎頒獎典禮、香港國際電影節等盛事都响文化中心呢度舉行。作為香港一個主要表演場地,有唔少藝術節目都會响呢度舉行,而每次有國際知名音樂劇,例如《孤星淚》、《歌聲魅影》等等,都會掀起「撲飛」熱潮。

圖為1990年香港文化中心、查理斯王子同戴安娜王妃出席開幕儀式,取自網絡。