每年嘅11月11日，除咗係英國國殤紀念日，亦都係中國解放軍空軍嘅建軍節。今年係空軍建軍70週年，同新中國成立同年。國家主席習近平早前更親自去到北京昌平區嘅中國航空博物館，向人民空軍英烈致送花籃，並表示要全面建成世界一流空軍。

喺新中國成立之前，解放軍只有1個飛行中隊同8個野戰高射炮團，負責防空作戰任務，直至1949年3月中共中央先至決定成立軍委航空局，隸屬於軍委作戰部。1949年7月，中共中央同決定建立解放軍空軍。

1949年10月，中央軍委正式任命劉亞樓為空軍司令員、肖華為空軍政治委員兼政治部主任，以及任命王秉璋為空軍參謀長。同年11月11日，解放軍空軍司令部正式成立，原本嘅軍委航空局隨之而取消。

原圖取自網絡。