喺1947年11月20日,當時仲係伊麗莎白公主嘅英女王同菲臘親王喺西敏寺舉行咗公開嘅婚禮,二人嘅婚姻至今已經維持咗72年。佢哋舉行婚禮嘅時候,正值二戰結束後無幾耐,大大鼓舞咗喺戰爭中飽受摧殘嘅英國民眾信心,亦係首次將王室婚禮向公眾廣播,為婚禮賦予咗更深層嘅社會意義,而呢個做法亦一直延續至今。

英國王室資料提到,英女王同菲臘親王第一次見面係响1934年參加馬里納郡主同肯特公爵嘅婚禮。據講,1939年英女王同父王喬治六世視察達爾茅斯皇家海軍學院嘅時候,再次遇到菲臘親王,此後二人就開始書信傳情,1947年7月9日訂婚、11月20日完婚。喺婚禮上菲臘親王為伊麗莎白送上親自繪製嘅戒指,相當浪漫。

原圖取自網絡。