最近睇新聞見到，郵政局喺下個禮拜就會發行一套以漫畫《老夫子》為題嘅郵票，《老夫子》可以話陪住唔少人成長，係香港人嘅共同回憶。除咗老夫子、大蕃薯、秦先生、陳小姐等經典角色，郵票仲以多個香港特色景點作為背景，非常有香港特色。

《老夫子》作者王家禧1925年生於天津，年輕嘅時候係北京輔仁大學西畫系高材生，1956年移居香港，曾經响法屬天主教會負責畫《聖經》同編繪《樂峰報》，做咗超過10年。喺工餘時間，王家禧亦用過唔用筆名喺報章發表漫畫作品，其中以大仔王澤個名作為筆名發表嘅《老夫子》最受歡迎。

《老夫子》漫畫簡潔幽默，而且個性鮮明，多年嚟都一直深受讀者喜愛。唔講唔知，原來漫畫裡面老夫子極力追求嘅陳小姐，就係以王家禧太太陳玲玲為藍本。到咗1995年，讀建築出身、王家禧大仔王澤見爸爸開始年老，就接手繼續創作《老夫子》漫畫，王家禧2017年逝世，終年93歲。

原圖取自網絡。