上次講起佐敦道以佐敦博士命名,提到1894年發生嘅鼠疫。呢次鼠疫喺港島太平山街一帶爆發,短短4個月就令超過2500人喪生。呢次嘅疫症病毒相當犀利,只要一接觸患者就會傳染,好快出現高燒以及併發症而身亡,屍體仲會佈滿黑斑。當時港英政府就喺堅尼地城西面設置鼠疫墳場,將屍體灑上石灰粉、埋入深溝。

政府又派人搜屋,強行帶走出現病徵嘅患者同處理屍體,阻止疫症蔓延,但當時有市民因為唔想患病家人被強行帶走,而漏夜執拾細軟離開香港。

圖片為1894年鼠疫期間嘅香港仔醫院、工作人員搬走鼠疫死者屍體。