近日新聞話香港入境處租用專機,將30名越南籍非法入境者遣返越南河內。呢單新聞再次令阿史諗起困擾香港好多年嘅越南船民問題。

話說1975年越戰結束之後,唔少越南人對當時政權感到恐懼,於是紛紛離鄉別井成為難民。1979年,美、英等多個西方國家簽署國際公約,要求東南亞一啲國家或地區作為「第一收容港」。當時香港仲係英國殖民地,英國政府就將照顧難民起居的責任推咗畀香港,要求香港成為「第一收容港」,無條件收容越南船民。由1975年至1999年,共有超過143,700名越南難民抵港,大大加重香港政府嘅負擔。

香港回歸之後,特區政府於1998年1月取消咗「第一收容港」政策,直到2000年,特區政府向一定數目嘅船民給予居留權及簽發身份證,畀佢哋融入香港社會。所以有意見就認為,船民問題雖然喺經濟、治安上為香港帶嚟沉重負擔,但亦都係是香港歷來最龐大嘅國際人道救援行動。

 原圖嚟自政府新聞處。