毗鄰香港嘅深圳,同香港一樣都曾經係小漁村,不過,自從1979年中央批准深圳建設經濟特區之後,短短幾十年間,深圳就迅速發展成宜家呢個現代化大都市。

位於深圳羅湖區嘅漁民村,原本只係一條以捕魚為生嘅漁船村,同香港僅一水之隔。喺深圳成立經濟特區之後一年幾,呢個漁民村就由一個原本貧窮嘅小漁村,發展成為新中國第一個萬元戶村。

圖為上世紀80年代初同2018年嘅漁民村,原圖嚟自新華社。