阿史有個老友好要面,明明自己做錯但就點都唔認,仲要死雞撐飯蓋,錯嘅都要講返啱,有時真係頂唔順佢。

「死雞撐飯蓋」又解作死撐,通常用嚟形容嗰啲有錯唔認、堅持為自己錯誤辯護嘅行為。但點解要雞隻嚟形容呢?整過雞嘅人可能都知,將成隻雞放入鑊度蒸,等隻雞熟咗再揭開鑊蓋嘅時候,就會見到兩隻雞腳伸直咗。如果個鑊或者鑊蓋太細嘅時候,伸直嘅雞腳更加會將鑊蓋撐起添。呢個情形就好比嗰啲錯咗唔認、死都要撐自己啱嘅行為喇。

原圖嚟自文匯。