199311日,即27年前嘅今日,中環蘭桂坊發生咗一宗人踏人意外,導致21人死,60多人受傷。

19921231日大除夕晚上,喺餐飲酒吧林立嘅蘭桂坊引來一大批市民遊客慶祝,現場更有商業電台架設舞台及巨型氣球,舉辦倒數音樂會,一片歡天喜地嘅場景。接近倒數嘅時候,現場已經聚集咗超過2萬人,並且陸續有市民從酒吧餐廳湧出來迎接新年。

隨住倒數嘅到來,現場聚集嘅人數增加,場面亦開始熱鬧、並且失控,有人噴射噴霧綵帶、亦有人亂掟酒瓶雜物。情況並冇因為元旦嘅到來而緩和,第一架救護車喺元旦001分就需要出動到德己立街附近。

199300分至 10分,人群中開始有人打架生事,市民開始沿德己立街往下行離開,而德己立街十字路口仲不斷有人湧出,當時目擊嘅市民就話,首先係有一排人牆同時跌倒,隨後嘅人就受到後面嘅人擠壓,造成骨牌效應,直到倒地嘅人堆到一定高度,先再冇人受壓。據當時消防報告,估計有5層人疊埋一齊,其中至少有150200人。大量傷者倒臥在道路兩旁,事件造成21人死,60多人受傷。

慘劇發生後,當時港英政府委任咗高等法院大法官包致金籌組委員會作獨立調查並提交報告,自此以後每逢大型活動港警務、消防處等政府部門都會針對參與大型活動的人數進行評估及執行必要的人流和年齡限制措施,地鐵亦開始除夕夜提供通宵服務。

 

圖片來自網絡