相信史友們都知阿史好鍾意响地圖（即google map）旅行，不時幻想一下騎住駱駝可以去邊呢？

今次就想介紹一下中亞嘅「地獄之門」。

呢個個名咁得人驚嘅地方，位於中亞國家土庫曼嘅斯坦沙漠裡面，「地獄之門」個外觀就係一個四周都係火焰嘅地坑，直徑有成70米，地深更有30米，感覺就好似煉獄一樣，所以就有「地獄之門」嘅外號。

之不過，呢個奇景並非天然形成，而係人為所致，呢個火坑亦只係得短短幾十年歷史。據了解，响上世紀70年代，當時嘅蘇聯專家嚟探勘石油，點知一挖先發現呢個位藏咗大量天然氣，挖掘過程亦造成地面坍塌。為咗防止帶毒性嘅天然氣外泄，於是就點火燒氣，點知啲天然氣長燒長有，一燒就燒咗成四十幾年。

至於地獄之門啲火幾時熄？專家估計可能要燒多成百年......

圖片嚟自網絡