自從1842年起，香港成為咗英國殖民地，雖然人口主要由華人組成，日常生活都係以廣府話做主要溝通語言，但係由於早期殖民地政府內大部分官員都係英國人，所以英文先係當時唯一官方法定語言。咁到底殖民地政府對中文嘅態度幾時先開始有轉變？


答案就係1974年1月5日，即係46年前嘅今日。當時政府立法通過，承認中文同英文一樣係官方法定語文。咁點解會有呢個轉變呢？話說1963年香港中文大學成立，成為香港首間以中文授課嘅大學。亦都係因為呢個轉變，令到之後有兩次中文運動嘅發起。當時政府基於社會不安、市民教育水平低唔明白英文等原因，最終响1974年通過立法中文與英文享有同等法律地位。


圖片嚟自網絡