萬水千山總是情

最近呢幾年，大陸好似多咗製作民初電視劇，其實响呢方面香港真係行前咗至少三四十年。昔日大台就拍咗唔少膾炙人口嘅民初電視劇，《萬水千山總是情》就係其中一套。

《萬水千山總是情》係大台响1982年播出嘅電視連續劇，監製係王天林，男女主角分別係四哥謝賢同阿姐汪明荃。故事大概係講莊夢蝶（汪明荃飾）同阮庭深（謝賢飾）响1920年代相遇，但因莊院兩家係世仇，所以佢哋要經歷各種苦難，包括抗日戰爭爆發面臨國破家亡，最終收成正果。但喺埋一齊後又有莊夢蝶個哎呀細佬莊天涯（呂良偉飾）搞風搞雨，最後莊夢蝶同阮庭深關係變差，故事尾段仲要佢哋老咗之後因屋企同個仔嘅事搞到離離合合，結局係點？留返史友們自己搵答案啦！

《萬水千山總是情》呢套戲可以話係四哥同阿姐二人合作嘅代表作之一，從後生到做咗人阿爸阿媽都難佢哋唔到。另一方面，監制天林叔好成功咁將好多民族感情同元素加入劇中，好似封建家庭個啲古板思想、抗日救國嘅民族意識等，當年就令唔少觀眾乖乖哋返屋企坐定煲劇。呢啲情況，今時今日啲後生仔可能好難想像到。