幾日前介紹咗三毛同《撒哈拉的故事》,阿史今次就想介紹另一位台灣著名作家白先勇,同佢嘅作品《台北人》。白先勇係當代台灣著名作家,老豆係昔日桂系將領白崇禧,响大學時期開始文學創作,仲同同學歐陽子、陳若曦、王文興、李歐梵、劉紹銘等人共同創辦咗《現代文學》雜誌。《台北人》一書就係收集咗白先勇1960年代响《現代文學》發表嘅14篇短篇小說,呢批短篇小說都係描寫1950年代一批從大陸去到台灣嘅人同埋佢哋各種生活點滴,而呢十四個故事本身都有一定嘅知名度,好似〈金大班的最後一夜〉、〈遊園驚夢〉咁,其中〈金大班的最後一夜〉之後仲有唔少影視作品。


雖然只係啲文學創作,但就被視為外省族群响台灣生活嘅寫照。至於阿史點解認識呢本書,其實同《撒哈拉的故事》一樣,都係初中時中文科學校指定課外讀物,即係睇完要考試個隻。


原圖嚟自網絡