今次新型冠狀病毒肺炎疫情來勢洶洶，好多醫護人員都勇於面對呢個艱難時期。醫護呢個職業响香港可以話神聖得嚟又有啲神秘，自然成為歌視製作嘅好題材，大台响廿年前就利用呢個題材製作咗套經典電視劇《妙手仁心》。

《妙手仁心》由吳啟華、林保怡、蔡少芬、陳慧珊同蘇永康領銜主演，故事講嘅係佢哋响醫院遇到嘅各種事情，响醫院內，醫生、護士以及病人所面對嘅都係生老病死呢啲人生重大問題，即係各種醫病關係，所以套劇當時觀眾都好受落。但作為大台劇，自然又會加入各人嘅愛情問題，古古怪怪乜都有。而吳啟華所扮演嘅程至美醫生，成為咗佢繼方唐鏡之後嘅代表角色。

不過，記得當年就有醫生投訴，話呢套戲有一個舖排令人對呢個行業產生誤會，就係班醫生放工成日落酒吧消遣。

原圖嚟自網絡