現代口罩之父 伍連德

呢排新冠疫情持續，全民都撲口罩，阿史都聽到有人有口罩比有現金更好，真係誇張。講到口罩，阿史今次就想介紹一個人，佢叫伍連德，呢位伍先生有「現代口罩之父」嘅美譽，而响清末民初時佢對中國衛生事業作出咗極大貢獻。

伍連德出生於馬來亞，年輕時响英國劍橋大學讀書，後嚟返咗馬來亞開診同做研究。1907年，伍連德應直隸總督袁世凱聘請，出任天津陸軍軍醫學堂副監督。响1910年，東北大鼠疫爆發，清延就任命伍連德為東三省防疫全權總醫官，結果佢响四個月之內就控制疫情。

咁佢東北市做咗啲乜嘢令到疫情咁快受控呢？其中一樣就係發明咗「伍氏口罩」，依家大家見到嘅現代口罩其實係源自於西方國家，由多層紗布組成。不過咁多層紗布就帶嚟咗一個問題，就係令使用者呼吸得好辛苦。伍連德响呢個基礎上對口罩進行改良，最終發明兩層紗布嘅「伍氏口罩」。由於呢種口罩保護程度高，製作成本又平，所以大獲當年各國醫學讚賞，亦成為咗現代口罩嘅一個藍本。