1895年2月17日，爆發接近半年的中日甲午戰爭以北洋水師全軍覆沒告終，清政府以戰敗結束呢場戰爭，並簽訂《馬關條約》，撤出朝鮮半島、並且將臺灣、澎湖同附屬島割讓畀當時嘅日本。1888年12月17日正式成軍嘅北洋艦隊，由李鴻章舉薦嘅丁汝昌擔任海軍提督，當年號稱「東亞第一」嘅北洋艦隊，擁有軍艦大小共有25艘，輔助軍艦50艘，運輸船30艘，官兵4000餘人，世界排行第九。只係經過6年時間後，經費嘅縮減、彈藥補充嘅落後以及政治上嘅各種角力，令到呢支北洋水師同日本海軍喺戰力上並冇上風，當年今日更全軍覆沒，海軍提督丁汝昌喺北洋艦隊被擊沉之前，就已經自盡。


原圖嚟自網絡