2008年2月19日，有港人「開心果」之稱嘅肥姐沈殿霞逝世，享年62歲。肥姐一生都貢獻咗畀佢嘅演藝事業，由1960開始响電影《一樹桃花千朵紅》入面出演童星，一生人大大話話拍過超過一百部嘅電影，之後加入無線電視，開始响《歡樂今宵》擔任主持嘅工作，為港人帶嚟歡樂。當年肥姐曾經同汪明荃、王愛明、張圓圓組成「四朵金花」，係唔少人嘅回憶。

 

提起肥姐，響亮嘅笑聲、貓頭鷹式嘅髮型、加埋黑色粗框眼鏡，自然就係佢嘅招牌形象。肥姐長期患有糖尿病同埋高血壓，2006年仲被確診患有肝腫瘤，而病情去到2008年農曆新年前開始惡化，肥姐就被送入瑪麗醫院深切治療部。經過兩個星期治療仍然未有好轉，最後响2月19日早上病逝。

 

原圖嚟自網絡