今時今日戴口罩、「勤洗手 別做傳染病『幕後黑手』」基本上係普羅大眾嘅常識,而喺19世紀對細菌仲未有深入認識嘅時候,就算你係醫生呼籲同行勤洗手,都可能會為你帶來沉重嘅後果。


19世紀初就有位匈牙利產科醫師,佢叫做伊格納茲·菲利普·塞麥爾維斯(Ignatius Philipp Semmelweis),呢位醫生被稱為係現代消毒法嘅倡導者之一,同時亦都叫做「母親們的救者」,到底佢做過乜嚟呢?塞麥爾維斯醫生早年就喺維也納(1847-1849年)同埋布達佩斯(1850年)醫院產科從事產科醫生,而當時嘅醫院衛生環境仲係相當原始,經常混雜住尿液、嘔吐物等充滿細菌嘅體液,醫生亦都唔會洗手同埋清潔手術用品,亦都係因為咁,醫院入面就醫嘅死亡率比起喺醫企入面就醫嘅死亡率高達三到五倍。當時嘅醫院被稱為「死亡之屋」。


塞麥爾維斯醫生佢嘗試用科學嘅方法去阻止細菌嘅蔓延—產房入面實行洗手制度,希望通過咁降低死亡率。由於佢因為一次解剖,發現原來產科醫生唔洗手,係會令到產婦好大機會受到產褥熱感染,從而引起敗血症。


塞麥爾維斯當時提出醫生喺接生前應該要洗手,仲要用埋漂白粉消毒,今日睇嚟好合理嘅提議,但就令佢得罪晒所有唔洗手嘅接生人員。佢唔單止冇得再响醫學界立足,佢仲被送到精神病院直到死亡,據講塞麥爾維斯醫生係受到病院職員毒打傷口感染而死,真係陰公。


原圖嚟自網絡