尋日係跑馬地馬場大火發生嘅102年,當年呢場因為看台倒塌而引發嘅火警,造成600幾人死亡,係香港歷史上傷亡最慘重嘅火災,詳情阿史就已經同史友們介紹過。由於當年事態嚴重,政府就即時搵咗東華醫院賑濟災民,命响黃泥涌對面嘅一塊咖啡園荒地起咗一座紀念碑。


馬場先難友紀念碑係1922年由東華醫院建立,位於咖啡園墳場「戊午馬棚遇難中西士女公墓」入面,响2010年1月21日就被列為一級歷史建築,2015年更升格變做法定古蹟。


當年呢座紀念碑係由東華公開徵集墓園設計,最後採用咗工務司署建築師何想嘅設計,興建呢座紀念碑嘅資金係由民間、東華醫院、政府三方大力賑災,動員相當迅速。紀念碑主要係以中式元素做設計,中式牌樓上面寫有「福、祿、壽」,兩邊就有對聯「旅夢安歸驚斷離魂餘劫燼,馬蹄何處嘶殘芳草賸燒痕」,上面仲記有死者嘅名,希望藉住咁樣可以超度到佢哋。


原圖嚟自網絡